الوداع


دا خوف ولا برد...؟
ما قادرة افهم هذه المسألة
جسمك ينزل تحت الأرض
و روحك تطلع فوق السما
ما بكفر ولا شي
بس قالقاني الحاجة دي
العشت بقلبو سنين
قاعد يتغمس جوا الطين
ما تخاف عتمة القبور
روحك حتضوى نور
حأحفر حولك سور
حأكون حارسة القبور
يوم الغبت القمر غاب
ختو فوقك أكوام تراب
كانو لى قلبي أكوام عذاب
وشك أبيض مافيو لون
و هو الكان مفتح ورد
يدك باردة زى التلج
و هي الكانت بتاخد البرد
وحياتك حيجى اليوم
نطلع فيهو أنا و أنت فوق
على دنيا ما بعدا دنيا
و أسألك إيه رأيك فيا..؟!
و تقول ليا بحبك...و تقول ليا بحبك
بحبك أنا لى سابع سما

Comments

Popular posts from this blog

بـنـطـرك

احـــتــرت فــيـــك

Until ..