The ... PrinCesS ... Of ... ForesTs ... !!!

Every Memory iS a SiGn ..... ThaT DefeniTly Once U Were Mine ... I'll Carry U iN My HearT and HolD U iN My MinD, Where U Can Be SaFe ... AwaY From PeoPle's OpiniOns, and WhaT's WronG and WhaT's RiGhT, AwaY From The No0ns Sun RaYs, and The ColD Of The NiGhT, AwaY From ChilDreN's FinGer PrinTs, and PeoPle eYes SiGhT ........ !!!!!!!!

Friday, June 18, 2010

و هزمتك ___


استنيتك , فى اخر شارع مدهون بلون زاهى .... قلت تغير رأيك , و ترجع نمشى .. و نضحك و نفرح .. حتى الشارع يرقص و يلعب .. ايدك فى ايدى .. و باقى المطرة تغسل كل أحزانى , و قربك عيدى ... و الشوق يرسم قلبين و حديقة , و أمانى رقيقة , و شباك مفتوح للالفة , فى نص حوش واسع مدفوس بى شفع .. و حكاوى حبوبة لذيذة

بى شكل حماسى , أكيد حتقول بحبك , و انك ما ناسى ... بى صوت عاااااالى , و أنا كنت براهن انك مدمن أشيائى .. ضحكى و حبة اغرائى , و عينين بغرد فيها .. و أفراح مختزلة قديمة .. و حاجات بيناتنا صغيرة , لكن هى عظيمة

و أنا كنت بفكر فى انسان طيب .. انك حتقاوم كل دوافع الشرقى , و تقبل جنى .. و تصارع كل قراراتك بى هجرانى .... حتفكر مية مرة , مليون و حداشر .. جوانا مناظر , من حجوة قديمة ... فاطمة السمحة المسكينة

عارف ..... لى فترة طوييييلة , صاحبت احباطى , و أخيراااا حنستو يغير عنوانى ... قاومتك جواى .. قاومتك ... و زى ما يوم هنا بنيتك , هنا هدمتك ... قاومت ضعفى و رغبتى , و انكسارى

بى خط مستعجل , فى ورقة قديمة , كتبت ليك : أنا مشغولة حاليا , لى مدة أكيد حتطول ... غيرت البيت و التلفون , و هزمت أحزانى .. سافرت لواعج الحرمان , و هجرت أوكار الخنوع , غيرت الناس و الحلة ... و شنطة مدفوسة فى ايدى .. لا ببقاك و لا تبقانى , لا بلقاك و لا بتلقانى ... أشواقك الما بتتخلا ... صبحت هناك بعيدة

و هزمتك

No comments: