شـايفـاك !
بين هلوسات النوم الخفيف و الحمى، و الجرح العميق وحكاوى قاعدة بتتحكى تخطف روحى فى لحظة شهيق كلمات و ناس لافين على شايفاك سراب اَخر الطريق راجياك عشان ابدا اعيش أشوف باكر لونو كيف راجياك فى طرف الزقاق زى زرع راجى الخريف جواى أمل زى السحاب و شايفاك حوالى طيف حاولت أنسى و ما قدرت حاولت أمشى .. و ما مشيت حاولت أعمل رايحة منك لقيتنى لفيت و تانى جيت غلبتنى دنيا ما فيها انت وعدتك انسى .. و ما نسيت رجيناك .. أنا و الصبر راجينك باكر تعود راجينك لو اَخر يوم فى العمر سألنك ما تمشى و تفوت بيك يضحك لينا القدر بيك كل الأحزان تموت